Home As e de hot #WorldDiabetesDay: Diabetes Patients beg Government for Help

#WorldDiabetesDay: Diabetes Patients beg Government for Help

114
0

On top World Diabetes Day, Nigerians wey dey waka through the condition don talk dem mind as di price of drugs don dey climb mount everest, and e dey put serious pressure for dem pockets. For Abia State, people with diabetes don yan deir tori for interview, talk say dem dey feel di heat for expenses and dey beg government make dem helep.

Diabetes, wey be sickness wey dey scatter how insulin dey work, dey cause high sugar level wey fit damage different parts of person bodi. World Diabetes Day wey dem dey observe every year for November 14 na to make people sabi wetin dey happen with diabetes and also talk about how to stop, find, and treat am. Dis year own, di theme na “Access to Diabetes Care.”

People like Mr. Enyinnaya Nwokocha share dem wahala as e take concern diabetes care for obodo naija. Mr. Enyinnaya yan say access to di drug na big challenge for di pipo wey dey leave with diabetes, him come beg government say make dem no wetin dem fit do to take helep kontri pipo wey dey suffer diabetes to take get deir medicine sharpaly and easily. 

Mama Uche, wey dey her seventies from Ozu Abam, and Mr. Chijioke Nwakanma also yan about how e hard to get and buy diabetes drugs, weda local or foreign.

Pharmacist, Mr. Fortune Moses, talk how diabetes people dey waka with heavy money wahala, say some of dem dey reason pocket before dem go fit buy drugs. E yan say di foreign drugs wey dey work faster get big money tag..

Prof. Olufemi Fasanmade, wey be endocrinologist follow yan say pipo wey dey live with diabetes plenty well well for Naija. Him come yan say Naija dey rank second for sub-Saharan Africa as kontri wey get plenty plenty pipo wey dey live with diabetes. Prof. Olufemi  yan say many people no sabi wetin dey happen cos of say dem no dey talk about am well.

 According by World Health Organisation (WHO), Soft drinks wey oyibo dey call Sugar-sweetened beverages na one ogbonge risk factor wey dey cos type 2 diabetes. Dem come yan say for kontri pipo to dey kajad make dem dey run away from di too much wey dem dey take soft drinks plus oother sweet sweet things dem for di sake of deir health.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.