Di coordinating minister of health and social welfare, Prof. Muhammad Ali Pate don yan say di launch of di Human Papilloma Virus Vaccine for naija go helep reduce cancer cases for naija.
Him talk dis one for di official opening of di International Cancer Week (ICW), wey start on Monday for Abuja.
Di Minister urge kontri pipo say make dem helep di government spread di message make e reach every corner for we obodo naija.
Recall say, di Federal ministry of health through di National Primary Healthcare Development Agency (NPHCDA) don yan say dem go finally launch di vaccine for naija on di 24th of October plus say di campaign for di vaccine across school go start immediately from 24-28 of October for di 15 states across di kontri and di FCT.
