Di African Union Commission (AUC), Africa Centres for Disease Control and Prevention (Africa CDC), and Gavi, di Vaccine Alliance, don yan after three days for meeting wey dem hold say dem bin follow deir plan as E be for di Memorandum of Understanding (MoU) wey dem sign for May 2023.
Di main aim of di agreement na to give people for Africa beta access to vaccines wey fit save life and to rush how dem dey use dis vaccines for African Union countries. Dem come together to use their power, experience, and network make dem tackle different serious bodi matter together.
For di meeting, top pipo from di three organizations and body matter sabinus wey yakpa for dere yan on top issues like:
How dem fit set up better system for immunization wey go last and wey go dey fair to everybody.
How dem go fit make pipo trust and get confidence for vaccines.
How dem go fit make sure say Africa fit produce more vaccines, plus how dem go approve vaccines quickly and keep eye for dem safety.
How dem fit make our power strong well well on-top how dem fit dey find out and control disease wey fit start with vaccines.
Dem come follow yan yan about how Gavi go take work for their next five-year plan wey dem call “Gavi 6.0.” And dem still yan about how dem go fit plan well to dey ready for disease wey fit show.
Dr. Ahmed Ogwell Ouma, Ag. Deputy Director General of Africa CDC, talk say dem don ready to follow their plan work well and protect Africa pipo health. Him talk say, “We don join hand so we fit follow our plan work together and make sure say vaccines reach everybody for Africa.”
Thabani Maphosa, Managing Director of Country Programmes Delivery for Gavi, talk say dem three organizations get strong connection as dem dey do health work and e dey very important as dem join hand to support Africa Union Commission and their vision for health. Him talk say, “This meeting time na time wey we fit carry our strong agreement follow do better work. Gavi dey proud to be partner for Africa Union Commission and Africa CDC, and we happy say we fit follow dem do many work together.”
