Di before health minister wey just komot in May 2023, Dr. Osagie Ehanire fit no sleep well dis week as netizens (Naija online people) dey drag am wan tear im clothes. Dis na because of photo of uncompleted building inside Irrua Specialist Hospital Edo State wey he commission on 19th December 2022. In fact, kontri people use vex dey roast am like bole.
Some kontri people drag oga former Presido Buhari join di roasting fire say na im be baba for “yahoo yahoo” project commissioning.
