Home As e de hot We dey target more than 300,000 pikin dem – Enugu State Govt.

We dey target more than 300,000 pikin dem – Enugu State Govt.

153
0

Di Enugu State Government yan say him dey target more than 381,572 pikin dem to collect di free Rotavirus Intensification Vaccination Campaign wey dem dey do for pikin dem wey dey between 6weeks to 12months.

Rotavirus na very contagious disease wey dey cause diarrhea and e fit land pikin for hospital.

Normally, dey dey give Rotavirus vaccine for private health facilities but dem dey collect N7,000 for one oral dose drop and every pikin go need 3 oral dose drops inside some weeks.

Di Executive Secretary for Enugu State Primary Health Care Development Agency, Dr. George Ugwu, yan dis one when dem do stakeholders’ meeting to introduce Rotavirus vaccination inside other routine immunisations for di state. Ugwu point out say di carry go for di introduction of di vaccine go dey inside di Rotavirus Intensification Vaccination Campaign wey start on Saturday, December 3, to run for 1 week and if dem no vaccinate enough pikin dem, dem fit still increase di time.

Di executive secretary point out say di disease no dey stop sharp sharp after di pikin collect medications (anti-biotic) until e don go thru him normal life span and e be one of di most deadly disease wey dey affect pikin dem as e highly dey very communicable.

Ugwu reveal say after dem do di campaign, dey go put di Rotavirus vaccination for every health-centre and health post for pikin dem wey dey 6 weeks for first dose, 10 weeks for the second dose and 14 weeks for the third dose.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.