Naija join hand follow celebrate Universal Health Coverage Day wey dey happen for every 12th December and the theme for am dis year na “Health for all Nigerians: Leaving no one behind”.
For di event wey Health Sector Reform Coalition (HSRC) to mark di day, plenty organisations and groups show face to tok about how di health sector dey scatter día mata for di country.
For people wey come di event, political parties, Labour Party and People’s Democratic Party, been send dia representatives come answer questions wey people get for dia health mata.
When dey ask dem how dem go make sure say Primary Healthcare Centre dey work, PDP representative tok for grammer say: “There is a systematic approval for funding for the PHC. There will be monitoring of engagement of the NMA and other associate members of the health sector”.
LP Representative come yan from dia manifesto for grammer say: “Effective overhaul, restructuring and training of all tiers of the Healthcare system providers. (B) Statewise scale up of the healthcare system budget in line with the Abuja Declaration while involving funding directly to advance National Primary Health Care Agency”.
As dey ask dem about how dem go include People with Disabilities and other groups dem for elections and healthcare, Labour Party representatives open día manifesto read for grammer say: “Increase NHIS update with a robust healthcare insurance scheme at the basic Healthcare level, with the goal to provide comfort for di 133 million Nigerians including pregnant women, children, the elderly and people with disabilities”.
PDP representative come yan him own answer say : “We propose to ask National Assembly to emulate the Kenyan example, where the senator is voted specifically for people with disabilities per geopolitical zone and to create seats specifically for certain groups of people including women, youths and people with Challenges (Disabilities) “.
