Di Civil Society for HIV and AIDS for Naija don don sound alarm because say HIV test kits and consumables no dey for Gombe State as e dey cause slow down solution wey dem get to give HIV/AIDS cases for di state and e fit still make dem no reach di 95-95-95 target status by 2023 which go make am hard to end AIDS by 2030.
Gombe State Coordinator, Bashama Yusuf, when e dey tok dis weekend to mark di 2022 World AIDS Day wey dem theme; ‘Equalise to end AIDS,’ beg di State Government to empower di Gombe State Agency for the Control of AIDS with resources wey dem need to stand strong fight HIV.
He tok say organisation wey dey do HIV screening for di state no even reach 5 and e fut be because dem no get kit and dat one make dem no sure of di number of people wey get di disease for state.
Di CiSHAN Coordinator point out say dem need to do more test so dem go know how many people really get di disease for di state so dem fit plan for dem as na only 30 percent of di budget dey come out to GomSACA.
Muhammed Sabo wey be di Gombe State Coordinator of the Network of People Living with HIV/AIDS in Nigeria, twala for di state government as dey launch di anti-stigma law even tho di palava na implementation.
