One maternal health expert, Dr. Abayomi Ajayi, don tok say medical doctors for Naija need better entrepreneurial skills so dem go fit do well for medical practice.
Ajayi come point out say physicians especially di young doctors gats change di mindset wey dem get about japaing to outside country to find better land because if dem get good entrepreneur skills, dem go make am well for Naija because medicine don pass level of patient siddon for doctor front to collect treatment.
Ajayi wey be di Managing Director for Nordica Fertility Centre, Lagos, tok for di Physicians Mentorship Programme (cohort 2) wey dem do say, doctors need to shine dia eyes to see di opportunities wey plenty for Naija because dem go need to think outside di box to get dem.
Di mentorship programme wey dem do na for young doctors so dem go fit stop di brain drain for di health sector and na Nordica Foundation organise am.
