Di Coordinator/Technical Head of the Presidential Steering Committee Secretariat on COVID-19, Dr. Muktar Muhammad, don reveal say Naija still dey follow dia travel protocol so di coro disease no go chook head inside di country again.
Muhammed yan say dem no comot di coro protocols because like 85 countries still need make you do test before you travel, 49 other countries still need PCR test once you touchdown for dia country and 30 countries still need make you quarantine when you land dia domot.
He point out say coro never comot so we gats open our eyes dey very careful and na di health declaration form wey dem go drop for dia portal dey help track di disease for di country.
