Nigerian Medical Association talk say Naija dey fight in worst situation for sickness wey dem dey call brain drain for history, as e no low pass 10,296 Naija-trained doctors wey dey learn work for United Kingdom.
Di National Presido for di association, Dr. Uche Ojinma, put this mata for the table as im been dey brief press on Monday as dem dey mark 2022 Physicians’ week for Ibadan.
Ojinmah show say im no dey happy with the welfare of members cus of lack of facilities and infrastructures.
Im add say, “make I burst una bubble say our naija doctor’s don turn Jacki and na chikini Raba dem dey see collect, dem no see tools use work, dem don dey almost use hand take work, and kidnappers no dey use eye see dem.
“Dem don dey use we wey be doctors dey play ball, we no be anything for there eyes again as any new government wey dey enter dey shift us one corner dey do there own”.
Dem tok say di way government dey enjoy to dey seize and slash dia money, come dey give dem small small like say na biscuit money without interest, don turn overtalk-talk and no fit allow am as e dey go .
