Experts for Maternal health don beg women wey get secondary infertility make dem do check up early to know di exact cause because some wey don get bad miscarriages or vaginal infections go need better treatment first.
Di experts tok say women wey don been get bad miscarriage or vaginal infections and dem no treat am well fit get infertility even after dem don born one so dem go need get complete and proper checkup with specialist, come take better treatment to solve di mata.
Dem also tok say apart from miscarriage and vaginal infections wey no dey treated, other problems wey fit cause secondary infertility fit be fibroid surgery, ectopic pregnancy, and plenty others.
Di experts still come warn say miscarriage wey dem no treat or handle well dey very bad and e fit lead to infection wey go damage di womb kpata kpata.
