Di Anambra State Government on Tuesday been start health services to help di people wey flood been commot from dia houses and dem dey stay for holding centres so dem no go too feel am.
Di Commissioner for Health for di state, Dr. Afam Obidike, been yan when he visit di holding centres for Crowther Memorial Primary School, Onitsha and Unity Hall, Umueri, say di service dey very importamkpa so disease no go start for that area.
Obidike tok to di victims say government dey for dem and dem don create plan wey dem go use offer diagnosis, provide drugs, and other healthcare services wey dem go need.
Mr. Felix Ikechi, Transition Committee Chairman of Anambra West Local Area, come twale give di state government say dem come sharp sharp to help di victims because flood don carry almost all di communities inside Anambra West.
Di News Agency of Nigeria also report say dem share cartons of drugs and mosquito-treated nets to di victims.
.
(NAN)
