Deputy Governor for Ogun State, Mrs. Noimot Salako-Oyedele yan say technology wey dem need to upgrade health system for di country go need dey available and easily accessible.
Salako-Oyedele wey tok for inside Lagos for di 9th Medic West Africa Exhibition and Conference wey Informa Markets organise, open up say serious need dey for Medic West Africa to cover di technology and knowledge for Naija and West Africa.
Di subject for di exhibition and conference was ‘Leveraging disruption in healthcare – Opportunities and challenges in technology.’
Salako-Oyedele add say di technology dey impotankpa so our health sector go dey upgraded to reach international standard.
Exhibition Manager for Medic West Africa, Mr. Amogh Wadwalkar, say him dey happy for dia growth, continuity of legacy, and impact.
He tok say dem been start 10 years ago as a platform wey go show latest ideas and tech for Healthcare so industries go fit advance but now dem don grow to di level wey dem dey sort out topical issues wey due bother di health industry.