Home As e de hot NDLEA don kolobi Pregnant woman! See why!

NDLEA don kolobi Pregnant woman! See why!


Di National Drug Law Enforcement Agency don arrest 25year old woman wey get belle, Favour Haruna, as she carry 82 pinches of methamphetamine plus other quantities of Loud, Arizona, Colorado variants of cannabis and codeine-based cough syrup inside Auchi, Edo State.

Di spokesperson for NDLEA wey be Femi Babafemi, come spill out for statement on Sunday all the arrest wey di agency make di past week.

He yan say dem also kolobi one person wey just come back from Brazilian, Okolie Nwabueze, say him carry 92 wraps of Cocaine enter di country through Nnamdi Azikiwe International Airport, Abuja.

Nwabueze wey be papa to 2 children been follow Qatar Airline enter naija and as dem nab am, dey keep am inside dey watch until he shit di drugs wey him carry.

Inside Kano, dem kolobi one 42-year-old man wey be Aliyu Kwasare, for di Mallam Aminu Kano International Airport say him try to carry new psychoactive substance, Akuskura, go Saudi Arabia.

For di Murtala Muhammed International Airport for Lagos, dem seize more dan one million tablets of Tramadol 225mg with help from Nigerian Customs.

Di agency been also carry one a freight agent, Aliyu Abubakar, on Friday for di export shed of NAHCO inside MMIA say him been try carry cannabis wey dem hide inside Caro White cream bottle.

Dem also go raid one cannabis plantation camp for inside Emure forest, Owo Local Government Area of Ondo State and dem carry Monday Onoja, 20; Daniel Kehinde, 25, and Obinna Okechukwu, 35, say dem carry 16 bags of contraband.

Babafemi still yan say dem stop some drug ogas wey been wan carry 7.805kg of meth go US and Australia plus dem also confam say dem seize drugs and arrest people wey dem dey suspect for Gombe, Kogi, and Sokoto states.


Please enter your comment!
Please enter your name here

This site uses Akismet to reduce spam. Learn how your comment data is processed.