Home As e de hot Naija get highest case for Monkeypox – WHO

Naija get highest case for Monkeypox – WHO

22
0

Di World Health Organisation don yan on Thursday say Naija get di highest number of people wey don kpai for Monkeypox plus the highest number for confirmed cases for inside Africa.

Di Regional Director for Africa for di organisation, Dr. Matshidiso Moeti, been reveal dis one when dem do online virtual press briefing wey dem call ‘Road to defeating Meningitis by 2030.’

Moeti tok say most cases for Monkeypox dey for Nigeria, the Democratic Republic of Congo, and Ghana as 524 cases don dey confam and 12 people don kpai for 11 countries inside Africa and naija get 6 people wey don kpai, 4 kpai for Ghana and 2 for Central African Republic.

She still add say even tho dem never give vaccine to anybody wey dey inside places wey di virus plenty, WHO don give 39,000 test kits dto di countries so dem go run di tests better.

NCDC for dia latest report inside August 14 show say Naija get 220 cases wey dem don confam and 530 cases wey dem dey suspect.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.