Di Minister for Health, Dr. Osagie Ehanire don yan say di N10 billion naira wey Federal government been drop for 2020 make dem use produce vaccines locally still dey, nothing don happen to am.
Di Minister been tok dis one inside Abuja on Tuesday when dem been dey do Ministerial bi-weekly update meeting on COVID-19 response.
Ehanire yan say di country don find people wey go partner to import technology wey dem need to produce di vaccines and na some delays been make am no happen since.
He still add say to produce vaccine dey very very important to Presido Buhari.
On him own part, di Director, Disease Control and Immunisation, National Primary Health Care Development Agency (NPHCDA), Dr. Bassey Okposen, point out say vaccination for covid19 dey very very impotankpa and dem don already give more than 70 million COVID-19 vaccines to naija people.
Di Director still yan say most children dey miss basic childhood vaccines wey dem suppose take and e beg make papa and mama dem dey carry dia children go take vaccine so dem go get protection against disease.