Di Anambra State AIDS Control Agency don reveal say Anambra na the fifth state for Naija wey get highest case of HIV transmission for people wey dey between 15 to 49 years.
Di Oga Executive Director of the agency, Mr. Johnbosco Ementa, been tok dis one when dem do 2 days meeting for stakeholders inside Awka on Thursday and him say dem do di meeting so dem go crack brain on how to do campaign stop dis HIV transmission palava for di state.
Ementa come point out say di meeting go help dem tok well, share idea and find out di challenge wey dem get and how dem go solve am to stop di transmission as dem dey try everything for dia power to cut down dis issue.
Di state Commissioner for Health, Dr. Afam Obidike wey Director, Public Health, Dr. Afam Anaeme represent come tok him own say dem need to do more to reduce di HIV palava and na prevention sure pass for di state to do and continue.
.
(AFP)
