Home As e de hot Naija go need N420 billion every year to fight Malaria – Expert

Naija go need N420 billion every year to fight Malaria – Expert


Malaria expert and researcher, Prof. Olugbenga Mokuolu don tok say Naija go need N420 billion every year so dem go fit reduce Malaria with all him palava.

Di professor of paediatrics for di University of Ilorin, Kwara State wey be di National Technical Director for the National Malaria Elimination Programme tok say Naija go need enough money to fight malaria so di country no go get plenty people wey dey kpai from di disease by 2030.

Prof. Mokuolu say since 2010, parasite prevalence rate (malaria burden) don dey reduce for naija from 42 per cent in 2010 to 27 per cent in 2015 to 23 per cent in 2018.

Di professor still come tok say all hand must be on deck if Malaria go comot for naija.

Remember say di Presido, Major General Muhammadu Buhari (retd.) been tok last week Tuesday for inside State House Abuja say, if di country fit commot Malaria and all him palava, e go save about N687bn in 2022 and N2trn by 2030 wey be the money wey dem estimate say di disease dey collect every year.

Di Prof come tok say dis fight against Malaria be like marathon and even tho di country dey try see say e go get 10 percent less of Malaria wahala, e get plenty work to do because money na very big stumbling block and if di country no solve am, dis Malaria tok go just be tok.

Reports wey dey come dey show say Malaria dey well well for naija and di country dey get about 53 million cases every year (one in four residents) and 81,640 people dey die every year (nine deaths per hour) from the disease.


(Punch Healthwise)


Please enter your comment!
Please enter your name here

This site uses Akismet to reduce spam. Learn how your comment data is processed.