Home Charity Tori Meet Dr. Philip Ozuah – Anambra Doctor Wey Scatter Area with $1m...

Meet Dr. Philip Ozuah – Anambra Doctor Wey Scatter Area with $1m Donation to Ibadan Medical School

313
0

For some days now, tori of Dr. Philip Ozuah’s $1 million donation to im former school, University of Ibadan College of Medicine dey scatter area with joy and happiness. Na 1985 im graduate from UI before he go obodo oyinbo USA to further im career. Di Anambra-born sabinus for pikins health mata announced di donation on Monday 1st August 2022 during a zoom fundraiser event by College of Medicine UI and Ibadan College of Medicine Alumni Association.

Philip Ozuah, MD, PhD. na di Presido and Oga patapata of Montefiore Medicine, the umbrella organization for plenty hospitals inside obodo America like the Albert Einstein College of Medicine, and Montefiore Health System’s 13 member hospitals, 300 ambulatory sites. These hospitals dey see reach 7.5 million patients every year.

Dem dey respect Dr. Ozuah well well for obodo oyinbo as one of the “Top Physician Executives” wey be ogbonge doctors wey sabi run things. And e be like say Oga Vice Presido Prof. Yemi Osinbajo no dey carry dis man play.

VP Osinbajo and Dr. Ozuah

See as di Provost of UI College of Medicine, Prof. Olayinka Omigbodun, Pioneer Provost, Emeritus Prof. Akande and other officials of di school dey jolly when dem hear di $1 million donation from Dr. Ozuah.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.