Home As e de hot 2.6 new COVID-19 vaccines don land Naija from Canada!

2.6 new COVID-19 vaccines don land Naija from Canada!

23
0

Di government of Canada don dash naija 2,649,600 doses of Johnson & Johnson COVID-19 vaccines.

Di National Primary Health Care Development Agency talk for their correct Facebook page for Friday say na the Canadian High Commissioner to Nigeria, Ambassador Jamie Christoff, officially transfer the vaccines to naija.

Dr Faisal Shuaib

Di Oga Director of NPHCDA, Dr. Faisal Shuaib come talk say vaccines wey Canada dash dem go helep naija people well well as many never collect vaccine even though na only once person suppose take Johnson & Johnson.

Di doc come also say e dey impotankpa to take di gidigba shot wey dem dey call ‘Booster Shot’ after 2 months wey you don take complete vaccine make e fit helep your immune system fight and na di second dose of J & J be di Booster shot.

Dr. Shuaib still talk say 40,700,979 of the naija people wey reach to collect vaccine don take the first dose and 28,659,698 naija people don collect complete dose as of August 18.

He come add say inside the people wey don collect the full dose, 2,666,830 people don collect Booster dose.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.