Ogbonge sabinus for bodi matter and Founder of TalkHealth9ja, Dr. Laz Eze don use vexation blast im colleagues inside di Obafemi Awolowo University Teaching Hospital (OAUTH) Ile-Ife, Osun State, for going on strike over two fighting between a medical doctor and a nurse. Dr. Eze talk dis talk on Tuesday 5th July 2022, inside di 83rd episode of TalkingHealthwithDrLaz programme on Africa Independent Television (AIT). He talk say rights of patients should be number one. He squeeze face talk say e no sweet belle at all at all say medical doctors go two days strike and nurses plus other health workers go three days strike because of di quarrel/fight wey happen between one female medical doctor and a nurse inside OAUTH.
Last week, newspaper carry report on di two fighting between a female medical doctor and a nurse inside di OAU Teaching Hospital over who go throw way dirty. Di report say nurse ask doctor make e carry di dirty but she say no be her work and di nurse lock am inside ward. Nurses accuse di doctor say she assaulted their colleague wey remind am of her job. Dr. Eze bin wonder why patients were made to suffer because of dis mata wey no involve dem. He pooh-poohed di hospital management for allowing that make e happen, say dem no try at all. He even say make ogbonge government komot moni from their salaries for those days dem no work due to “flimsy reasons”. If you wan watch as he take talk am, na inside dis video e dey for di beginning part and di ending part.
