Di body wey dey regulate practice of medicine and dentistry for obodo Naija known ad Medical and Dental Council of Nigeria don komot new rule wey go make medicos studying abroad sweat under cooling air conditioner. According by notice wey MDCN komot today signed by management, below na di new things wey people we read medicine or dentistry for any school abroad go do before dem go qualify to work ad doctors for we kontri:
- Dem go pay 10k to register for “mandatory attachment” for 6 months.
- Dem do online application for MDCN website and select one university for di attachment. Dis one mean say di pesin go go school for 6 months for Naija University before im go write examination wey go make am qualify for license.
- Di student go pay 900k if na Naija citizen. Foreigners go pay N1.4 million. Dentistry people go pay additional 200k for dental practical materials.
According to MDCN, application don open for dis first set of di compulsory attachment wey go start January to June 2022. Na 22nd of dis month application go end.
All di tori dey inside di notice below with big grammar inside.
