Home Things wey happen Dr. Ifedayo Adetifa na di New Oga DG for NCDC

Dr. Ifedayo Adetifa na di New Oga DG for NCDC

94
0

Yesterday, oga presido Buhari don appoint ogbonge doctor wey sabi torchlightment of disease well well as di new oga Director General for di Naija Centre for Disease Control, NCDC. Dr. Adetifa wey be Associate Professor of Clinical Epidemiology inside London School of Hygiene and Tropical Medicine bin read medicine for University of Ilorin inside obodo Naija. This new NCDC oga don do plenty work for Naija and obodo Gambia, Kenya and obodo oyinbo London.

Following im announcement by helper of oga Buhari on top talk talk mata, Garba Shehu, plenty kontri people don dey send congratulobia messages with beta wishes. Some talk say na big shoe wey di DG wey go soon port go WHO, Dr. Chikwe Ihekweazu bin leave for am. Prof. Ibrahim Abubakar tweet say dis appointment dey sweet im belle because di new DG get “right skills and knowledge”.

We sef join everybody to say,congratulobia to oga Tiffy.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.