E don reach 2 days since serious vexation full everywhere for obodo Naija especially inside social media because of the death of two girls. Hashtags #JusticeforPeju and #JusticeforOmolara don dey trend as dem friends and general public dey lament how weak health sector dey kill plenty people for we kontri.
According by di tori we dey social media, Peju Ugboma na young woman wey dey work hard dey do better things. She bin go Premier Specialist Hospital for Lagos to do fibroid operation. She died 2 days after because of internal bleeding wey di hospital no quick see. See di foto wey summarise her waka for di hospital below.
Same way, a friend to Omolara Omoyajuwolo wey bin die also carry di mata come twi-twi as well. She talk say na belle pain her friend bin complain about, she come follow am go Beachland Hospital Lagos but dem lack of sabinus and “I don’t care” attitude caused her death. See her short tori below;
We hear say ogbonge government don begin dey torchlight di mata. We pray for di families of these young women wey die like dis. Make dem no die in vain!