Home Onyokometa #Onyokometer: Ebonyi Govt do by-force takeover of 108 Years Uburu Hospital, Pursue...

#Onyokometer: Ebonyi Govt do by-force takeover of 108 Years Uburu Hospital, Pursue 170 Workers & Employ only 3


You remember dis tori wey we publish this week – “Shock! Ebonyi Health Commissioner bin carry Thugs Pursue Us Komot from Hospital – Former PJH Uburu Workers“, onyokometer don do torchlightment find out some new tori wey follow am. Di b4 b4 Presbyterian Joint Hospital Uburu wey oyinbo church establish in 1912 don become Ebonyi State University Community General Hospital, after di state government take am over in September last year.

From more than 170 workers wey dey work there before, na only one doctor and two nurses dey work for there now. Some Uburu people inside Ohaozara LGA wey follow us talk say dem don hear nwii because of di closure of di former PJH. As e be so, plenty of them dem dey travel go Okposi, Afikpo, or Abakaliki for medical treatment. Di hospital na di biggest inside di whole of Old Ohaozara area.

But some government officials wey follow us talk say na small time di people go suffer as di state dey build di best hospital for Nigeria inside Uburu, wey also be di village of Gov. Umahi. Many people bin vex how di state government just wake up make more than 170 people jobless overnight.


Please enter your comment!
Please enter your name here

This site uses Akismet to reduce spam. Learn how your comment data is processed.