Home Things wey happen Ogbonge Health Expert – Prof. Adetokunbo Lucas don join im Ancestors on...

Ogbonge Health Expert – Prof. Adetokunbo Lucas don join im Ancestors on Christmas Day at 89

...as global health experts celebrate im correct life

300
0
Late Prof. Adetokunbo Lucas

An Iroko tree wey don stand chim for more than 60 years inside di health sector for obodo Naija, Africa and obodo world don fall on Christmas day. According by di message wey dey di website wey dem dey write to remember people wey don die, Prof. Adetokunbo Oluwole Lucas die for Ibadan at di age of 89 years as dem born am inside Lagos on November 25 1931.

Prof. Lucas na very senior sabi pesin for health matter for obodo world. He work for plenty places including University of Ibadan for Naija, Harvard University for obodo oyinbo US, and World Health Organisation. He bin write one popular public health book – A Short Textbook of Preventive Medicine for the Tropics wey health science students still dey use learn. He do plenty plenty research wey we no fit count. He trained plenty medical experts inside Naija and America.

Plenty bodi-mata sabinus dey write better better things about this ogbonge doctor inside di page dem open for am for forevermissed.com. We join to ask baba God to bless im soul forever.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.