Di Oga Director of di FCT (Abuja) Health Insurance Scheme, Dr Ahmed Danfulani talk say health insurance na di answer to plenty problems wey dey face bodi-mata sector. He talk am when he follow our tori people talk for im office earlier today.
Oga Danfulani say kontri people go get better “value for money” and better health care if everybody contribute small moni together for health in form of insurance contribution. He say e go encourage private investors to increase investments in health, e go make doctors, nurses, medical lab scientists and other health workers sit up and work better, e go make government hospitals work better, plus plenty other betterments. He said health insurance don work for other countries and he believe say e go work for obodo Naija.