Home EndSARS #EndSARS: “We Dey Treat People with Medical Emergencies Before We Ask For...

#EndSARS: “We Dey Treat People with Medical Emergencies Before We Ask For Moni” – Lagoon Hospitals


Di management of Lagoon Hospitals for Lagos talk say dem dey always treat people with medical emergencies wey show for dem hospital whether or not dem pay deposit. The hospital talk dis one for di message dem post on twitter yesterday evening. Dem say they don dey do am that way for more than 30 years.

We bin report say some thugs bin attack di hospital yesterday because of informate say dem allow patient to die because of no moni. When we ask di Oga of di hospital Dr Jimi Coker wetin cause di attack on di hospital wey dey for Apapa yesterday, he talk say na false informate wey provoke some people cause am. According to him, an okada man bring dead pesin and when dem tell am say di patient no dey alive, he go drop di dead bodi for dem gate and dem no know sef till people come begin attack im hospital. He say dem don close di hospital for Apapa “for di safety of dem staff and other patients”. Their other branches still dey work.

Some Naija people for twitter confirm say di hospital dey help treat emergency cases before dem go even ask for moni. Some people dey thank them on twitter for treating their patients free.

See di message wey im komot for tori people and general public to about di matter.


Please enter your comment!
Please enter your name here

This site uses Akismet to reduce spam. Learn how your comment data is processed.