Di Oga Minister for bodi-mata, Dr. Osagie Ehanire don call on resident doctors wey dey on strike make dem return to work and “engage” ogbonge government as government dey follow due process to keep di agreement dem sign with doctors. Di Minister talk dis one for di statement wey im komot today.
Di Minister squeeze face because of di strike say e don too much. He talk say doctors suppose remember that their number one job na to save lives. Say dem suppose join hand with government dey fight Coro together for we kontri. He come tell Chief Medical Directors for federal teaching hospitals and Federal Medical Centers to appoint locum or NYSC doctors to help consultants make sure say treatment of patients no stop.
