Home Things wey happen Naija Nurses fry Olamide like Akara cos of im Music Video, Say...

Naija Nurses fry Olamide like Akara cos of im Music Video, Say #NursesAreNotSexualObjects!


Gbege don dey happen on top twitter since yesterday wey di Musician, Olamide komot one new video for his instagram wey show people for hospital setting wearing working clothes of nurses and doctors sef dey do miniminiwanawana. Plenty nurses and other people inside Naija and beyond come begin dey paravex for Olamide say him portray nurses wey be responsible people as if dem be sex objects. Di hashtag NursesAreNotSexualObjects don dey trend fpor social media since yesterday. As we check Olamide’s Instagram, di video no dey again o, e fit be say im don komot am or Instagram help am komot am. Nursing World for twitter thank dem people for di jinja wey dem use complain about di video. We no post link to di video because we no wan promote am in any way.

Nurses begin post their fine fine pictures online dey show say dem be koret professionals wey dey do better job and not objects for miniminiwanawana inside hospitals. Dem say dem dey work very hard to save lives of plenty people and go continue to dey do so.

We dey join all nurses to say NursesAreNotSexualObjects!


Please enter your comment!
Please enter your name here

This site uses Akismet to reduce spam. Learn how your comment data is processed.