Home Things wey happen Prof. Yinka Omigbodun don knack Prof. Adenipekun for ground to become New...

Prof. Yinka Omigbodun don knack Prof. Adenipekun for ground to become New Provost of Ibadan College of Medicine

821
0
Prof. Olayinka Omigbodun - Madam Provost!

Di College of Medicine wey dey train doctors, physiotherapists and public health sabinus dem don get new Provost. For di tori signed by seke for di college Dr. Ikeoluwapo Moody wey dem komot for dia facebook page yesterday, Professor Olayinka O. Omigbodun carry her opponent, Prof. A.A. Adenipekun knack im back for ground to win di election with 207 votes. Prof. Adenipekun try sha as im get 147 votes and pele pele from his supporters.

Prof. Omigbodun na expert doctor wey dey treat people wey don run kolomental or wey dem brain no settle again (Psychiatry). Her husband, Prof. Akinyinka Omigbodun wey be gynaecologist bin don hold di same post of provost between 2006 and 2010. Di new provost wey dey take over from Professor Emiola Oluwabunmi Olapade-Olaopa go dey for di post from dis year reach 2024.

We say, congratulobia to Oga Madam Provost!

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.