Oxfam International wey be ogbonge organisation wey dey fight poverty for obodo world talk say hunger go kill more people pass Coro if government no do something about am. According by di report dem komot yesterday 9th July 2020, dem talk say di hunger wey Covid19 don cause for obodo world fit dey kpai 12,000 people every day by day.
Dem say hunger don full everywhere before Covid19 show face, but say di Coro don pour fuel inside di fire of hunger and e fit kill 4,380,000 in one year if government all over di world no do something serious.
Plenty Naija people dey complain say na HUNVID20 (Hunger Virus Diseases 2020) dem dey fear pass COVID19 because Naija na di world headquarter of poverty. And as you know, povwerty and hunger na 5 and 6. Abeg, make we government do something better to save plenty of our people.
