The Presido Committee on Coro (Presidential task Force) yan say 75 out of every 100 people wey carry Coro for we kontri no sabi who dem catch am from. Dis one mean say plenty people carry Coro dey waka for different communities. Na Oga Chikwe Ihekweazu wey be Director General of NCDC talk dis one on Tuesday when dem dey talk with tori people last Tuesday. He say everybody suppose shine dem eyes because di people wey don die from Coro no be ordinary numbers but human beings wey get families and friends.
Dr. Ihekweazu also talk say labs wey fit do Covid-19 tests don reach 30 for we country. He say make everybody dey wear mask, wash dem hands with soap and water every time, dey give 2 meters space for public places and call NCDC if dem see any symptom wey wan resemble Coro.
