Home As e de hot Resident Doctors Say No Going Back for June 15 “Total and Indefinite”...

Resident Doctors Say No Going Back for June 15 “Total and Indefinite” Strike As Govt No Send Dem

344
0

Naija people, dis one na anoda challenge o. Di join-bodi of doctors wey dey train to become specialists wey dem call National Association of Resident Doctors (NARD) for oyinbo don yan dem members across we kontri say make dem dey ready to stop work from Monday 15th June 2020.

According by di letter wey dem send to all dem branches yesterday, di doctors say dia belle no sweet at all di way ogbonge and state govt dey treat dem like say dem wear dia clothes upside down. Di letter signed by di Presido, Dr Aliyu Sokomba and Sec. Gen – Dr Bilqis Muhammad talk say di strike go dey “total and indefinite” becomes doctors don become endangered specie especially dis Coro season. Dem “sympathise” with patients and Naija people but talk say dem no get any plan B for now except govt do wetin dem suppose do.

Dem complain about how dem dey treat dia members anyhow, dangerness of dia work place, non-payment of new hazard allowee, among plenty other complains.

See di letter below;

How Naija people go take cope if dis strike happen especially dis Coro period? Abeg govt and doctors, make una settle dis mater o.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.