United States Agency for International Development USAID, don send mobile testing vehicle go Kaduna state, to support the state Covid19 testing efforts.
Them announce this news ontop the governor official twitter handle today, say the governor of Kaduna state, Nasir El Rufai don receive and inspect the vehicle, and them go use the vehicle to expand community-based testing.
Say the mobile testing vehicle dey use GeneXpert machines for the Covid19 test, the state been don import 9800 kit, the first government inside Naija to do so and them plan to buy 40,000 more to fit reach their 50,000 testing target.
Them say na 407 GeneXpert testing machines dey inside Naija and 14 of them dey inside Kaduna state, and them plan to make sure say each LGA inside the state get one GeneXpert machine.
