Home As e de hot Jerking Up of Mind and Fear of Coro Spread Full for Ebonyi...

Jerking Up of Mind and Fear of Coro Spread Full for Ebonyi after Governor Umahi’s TownHall Meeting on Budget


As photo of di meeting of Ebonyi State Governor and plenty other people show face for internet, plenty fear and jerking up of mind about di spread of Covid19 don dey for di state. Plenty Ebonyi people dey lament for social media, others wey follow we tori pesin talk dey paravex on top di mata. Many of dem wey dey live inside Ebonyi wey follow us talk no wan make we use dem name as dem dey fear say koboko fit visit dem bombom.

Oga Dr Laz Eze wey be an Ebonyi pesin bin post for facebook say e be like say Ebonyi govt dey use more politics than science dey fight Coro. One Barr. Ebenezer Egwuatu comment say no social distancing. Dr. David Ogbonna say people stay apart wella for some photo wey im see about di meeting. Uzodimma Isaac ask whether na by force to do physical meeting when intenet dey?

Gov. Umahi and im people inside Ecumenical Centre Abakaliki

Some people for Abakaliki talk say na becos of how Governor Umahi dey manage dis Coro mata make plenty people for di state believe say na wash, some say na audio disease sef. Some say na Ebonyi Govt dey always break laws about gathering of people since Coro start. We bin send WhatsApp message to Dr Daniel Umezuruike wey be Ebonyi State Commissioner for Health to ask why di state bin break im own Coro law. We don wait for his reply tire before we write dis tori. Anytime he talk, we go write am.

Di truth na say, Covid19 dey real, we sabi dat one well! We beg Ebonyi and every govt make dem “take responsibility” as NCDC dey alway talk.


Please enter your comment!
Please enter your name here

This site uses Akismet to reduce spam. Learn how your comment data is processed.