The Presidential Task Force on Covid19 don yan say them dey look left-right to see whether e don dey safe to lift interstate travel ban.
The National Coordinator of the task force, Dr Sani Aliyu, say them go open roads when bustops and motor parks don get Covid19 preventive measures in place.
PTF Chairman, Boss Mustapha, come yan say na next week Federal Government go yan way forward for the lockdown policies, even ban on interstate movements.
The PTF coordinator say them dey review the guidelines wey the Minister of State for Transportation, Gbemisola Saraki submit and them go open roads as soon as e don dey safe to do so.
