The government of Ebonyi state don say them go renovate 13 general Hospitals inside the state.
The state governor, Dave Umahi been yan this thing as him dey give the Coro(Covid19) update for the state security meeting wey them do for the state government House on Friday.
Umahi say as them don get another batch of testing machines, the state fit test up to 100 people per day now. Him say make people wey dey the state need to take responsibility for themselves and their neighbors, anybody wey no wear face mask, make e no commot for house.
According to the state government, Ebonyi get 162 cases of coro, them don discharged 72 patients and 90 others still dey receive treatment. Coro never kpai anybody inside Ebonyi state.
