Na make economic activities fit resume, na why government start to ease Lockdown small-small, but with the recent increase for the figures of Covid19 daily update, we never know wetin go happen in coming weeks.
We don hear of countries wey start to ease Lockdown, but as water wan start to pass garri, them gats go back into Lockdown.
When Coro enter Naija, we dey see figurees below 100, but public Health experts been say na because testing labs no plenty for Naija, so the number of people wey them dey test everydy no plenty, na why the numbers small
True-true, as the number of testing labs increase, the number of cases per day follow increase too, but then, the figures for the past few days fit make person think twice about this easing of lockdown.
Naija don record over 600 cases in one day for more than 2 days now, this na cause to worry, e be like say people think say Coro don finish, them no dey observe precautions anymore.
Wetin you think? Drop your comment, make we hear from you?
