The Nigeria Center for Disease Control NCDC don announce 667 new cases of Coro inside Naija, this one come carry the number of cases enter 19,147 cases inside we country.
For inside the new cases wey NCDC announce, Lagos state still carry first for the list with 281, Abia sev fly enter second with 48, Oyo dey third with 45.
Lagos state carry over 42% of the total cases for inside Naija with 8177, FCT and Kano dey second and third with 1489 and 1182 respectively.
Coro don dey 36 states + FCT, Cross River still never show face for the list of states with Coro cases.
Number of people wey don well, and NCDC don discharge them na 6,581, 487 people sev don Kpai.