Home Covid 19 Abeg, Give Us Money to Fight Coro – Ebonyi Governor Begs Presido...

Abeg, Give Us Money to Fight Coro – Ebonyi Governor Begs Presido Buhari


Governor David Umahi of Ebonyi State don put cap for hand dey beg Oga Presido Buhari make he approve money to help states fight Covid19. He talk dis one when im dey grant interview on AIT TV inside dis morning. He say he don hear nwiii on top dis Coro mata and dis disease fit finish all di small money wey im state get if ogbonge govt no help am. He put two fingers in the air give tuale to Presido Buhari and NCDC on how dem take dey fight Coro for we country.

Di Governor squeeze face on how Coro take dey increase for Ebonyi State despite all di jinja he use dey fight am . He say Coro for don dey waka komot but people no dey gree obey instructions and laws of govt. He talk say people wey dey deny Coro existence or condemn how govt dey fight Coro na politics dem dey play.

Gov. Umahi also talk say im dey renovate all di 13 General Hospitals for im state to take dey treat people wey get Coro. He vow to continue to do im best to protect Ebonyi people, but help from ogbonge govt na wetin go help even other states to survive di virus.


Please enter your comment!
Please enter your name here

This site uses Akismet to reduce spam. Learn how your comment data is processed.