Naija Minister of Health, Dr. Osagie Enahire, say Naija dey expect the Covid19 herbal drug from Madagascar, as the news dey everywhere say them use the drug cure most of the Coro patients wey dey their country.
The Chairman of Presidential Task Force on Covid19 and Secretary to the Federal Government, Boss Mustapha been say Naija Prezido, Muhammadu Buhari, say make them use aeroplane bring the Madagascar drug come Naija.
Boss Mustapha and Dr. Enahire come say, them need to test the drug first for lab to see whether e dey safe for use, before them start to give Covid19 patients inside Naija.
World Health Organization WHO, don say them no approve the use of the drug, but Madagascar Prezido, Andry Rajoelina, no gbadun wetin WHO talk about him country cure, say WHO no approve am because the cure come from Africa.
