Naija Prezido, Muhammadu Buhari don advise Naija farmers say make them jinja to produce more food, because Naija no get money to carry import food.
No be today wey Naija don stop to dey import food, but e still dey struggle to produce wetin we dey chaw inside we country. Naija even close their borders with neighboring countries to reduce importation of rice and other stuffs from other countries.
E work small, but some people still dey smuggle am enter because of the corrupt officials wey dey our government and security outfit.
Prezido been yan this tori after this year Eid prayer wey him do with him close family inside Villa, him say make nobody come visit am, because of the social distancing advise wey our body-mata experts don give us inside this Coro Pandemic.
