Lagos state government don announce say them don discharge 60 more Coro patients today, because them don dey alright.
The Governor of Lagos state, Babajide Sanwoolu naim announce this tori wey dey burst brain today, through him verified twitter handle.
Sanwoolu say out of the 60 people wey them discharge, 40 na men and 20 na women, and them been dey their isolation facilities for different areas inside the state.
31 of them na from the mainland infectious disease hospital, Yaba, 19 na from Ibeju-Lekki isolation center, 10 na from Eti-Osa isolation center.
So far, the total number of discharged Coro patients from Lagos na 321.
