Lagos state government, under governor Babajide Sanwoolu, don add bokku bokku money to hazard allowance of body-mata workers inside the state.
This tori wey dey burst brain commot from the circular wey the head of service inside the state, Hakeem Muri-Okuno sign, say, Lagos state government don increase the hazard allawee of body-mata workers from N5,000 to N25,000.
This times-4 increase of the Hazard allawee, na to twale for the body-mata workers for the good work wey them dey do to save lives during this Coro pandemic.
