Naija mega superstar Bankole Wellington, wey people sabi as Banky W, don collabo drop bar wey them use arrange chaw for 650 less privileged people for inside Lagos state.
This na part of giving back to society wey oga Banky dey do, and this one dey necessary because of the byforce sitdon for house wey government announce for Lagos, Ogun and FCT.
The people wey flex this chaw na people wey no hold-side for Lekki/Oniru/Maruwa community for Lagos state. Them observe the laid down precautions by Federal Ministry of Health and Nigeria Centre for Disease Control for all the paro wey them run.
Banky W been announce this tori wey dey burst brain through him verified twitter handle, him come thank everybody wey contribute one thing or the other to make the paro successful.