Today, 12th March 2020 na World Kidney Day. World Kidney Day, na day wey them set aside to create awareness about Kidney; the importance, the risks and how to keep am healthy.
World Kidney Day been start for the year 2006, and ever since, every year on the 12th of March, we dey celebrate World Kidney Day. The theme for this year na “Kidney Health For Everybody Everywhere”
On this day, programmes dey happen all around the world, make you shine your eye well, look around because free Kidney screening fit dey happen near you, and e go make brain if you take advantage of this awoof, make you for fit know wetin dey shele for your Kidney.