Since them discover the first case of covid-19 for Wuhan China, the virus na the most talked about thing for the world. As the virus enter Naija, the tori come bokku wella for our side here and na everyday, them dey discover new cases of the virus among our people. But no be person wey get Tv or phone or means to access information know wetin they shele for area? What about people wey no get any of these means, wey no sabi read and write or sabi English? We fit assume say so many people no know wetin dey happen or them no know how bad the matta be.
The Lawyers Arise For The People Initiative LAPI don say government dey try but them never do enough, because people wey dey ghetto fit no know wetin dey occur or how bad the matta be right now.
LAPI say government through National Orientation Agency, suppose partner with other relevant authorities, to do sensitization for ghetto, with the Language wey people go understand. Shey them know say the virus dey? Ahbi them know enough about the virus to protect themselves and their families against am.
