Coronavirus don trouble plenty countries for the World, as e be so e don enter Africa and countries dey try keep their people safe, na why them dey put restrictions to reduce the spread of Coronavirus.
As Naija don get 5 new cases of coronavirus, Federal government of Nigeria dey take steps to make sure say water no pass garri. because as e dey hot, rumours don dey spread say people dey show symptoms of coronavirus for other states apart from Lagos and Ogun.
Because of this palava, Naija government don put travel ban untop countries wey get pass 1000 cases of Coronavirus, say make our people no go there and make their people no come here. The countries wey Federal government of Nigeria ban na; China, Italy, Iran, South Korea, Spain, Japan, France, Germany, United States of America, Norway, United Kingdom, Netherlands & Switzerland.
