Na on 27th February wey them diagnose one 44 years old Italian citizen of Coronavirus inside Lagos state, Nigeria. This na the first case of this virus inside Naija, since the first confirmed case for Wuhan, China, January 2020. Ever since alot of things don occur for we country, even price of nose masks don increase like garri wey swell up.
For the situation report wey commot on the 1st of March 2020, NCDC don show say Niaja need to cool temper as them dey ginger to make sure say water no pass garri. Currently the only confirmed case of this coronavirus with code name COVID-19, na the Italian citizen and them dey do contact tracing to know who him don meet since he enter Naija on the 24th of February. More than 30 of him contact for Ogun and 18 for Lagos dey under follow-up.
TalkHealth9ja dey use this opportunity beg our people to know more about Coronavirus, from legit sources, make them fit sabi how to protect themselves.